Sûretên Şikestî

Demên wê yên ewilî, yên bi Kalos re hatin bîrê. Bi evîneke mezin dest pê kiribûn. Bi gulên Mehmedîn, bi sêv û alûceyan, bi şekirê behîvan. Ew şeva ku heta destê sibê ji hev re helbestên welatekî wenda xwendibûn hat bîra Sêvê. Lê niha tiştekî bi ruh tê de nemaye. Kulîlk mirî, mirêk mirî. Deng ji vê malê nema xweş tê. Li her alîyê wê dengên fetisokî. Çîrokên jinên jibîrbûyî li dora wê govendeke bêmuzîk digerîne. Her yek di mirêka şikestî de dor bi dor çîroka xwe vedibêjin.