Kelile U Dimne

Kelîle û Dimne, kitêba hîkmetê, şîretan û rêzaniyê ye. Dîroka nivîsandina wê digihêje heta berya mîladê. Ji wê demê heta niha, li seranserayê dunyayê weke kalekî heftê salî digere û ji mirovahiyê re serpêhatiyên xwe dibêje.

Gava li hindê hatiye nivîsîn, qedrê wê pirr hatiye girtin. Ji bo nekeve destê xelkê xerîb, di xezîneyê de weke heyîneke bêhemta û weke sirreke dewletê a veşartî, hatiye parastin. Lê hema gava haya aşiqê ilm û hîkmetê ji vê xezîneyê çêbûye, wan rêyên dûvdirêj û bi tehlûke dane ber çavê xwe û weke ku wê ji paş Çiyayê Qaf biînin, ev pirtûk anîne û li dunyayê belav kirine.