Danberheva Guhertoyên Memê Alan

Di avakirina mejûyê hevpar ê neteweyî de folklor cihekî girîng digire. Ev bi tecrûbeyên cîhanî ên avakirina neteweyan ve piştrast e. Hebûna çîrok, efsane, fabl û cureyên din ên folklorî tevî ku bi halê xwe ê xwerû gerdûnî bin jî, dema bi çavekî an bi nêrîneke neteweyî tên vekolîn û veçirîn, ruh û dirûvekî hevpar lê tê barkirin dibin yek ji amûr û navgîna avakar a çand, ziman û nirxên hevpar a civakeke xwenas û xwezan. Danberheva Guhertoyên Memê Alan a Mem Wenda, li kêleka xebateke akademîk a berfireh, a ku bi hûrgilî hatiye dahûranîn, vekolîn û veçirîn û sûdewar e, di eynî demê de xebateke girîng û baltêdayîn a biwara Folklora Kurdî ye ku bi hiş û nêrîneke neteweyî hatiye amadekirin, e.