Antolojiya Romanên Kurdî

Bê şik hin nivîskarên perçeyên din yên Kurdistanê yên kurmancînivîs li başûrê Kurdistanê hene û di nav wan de romannivîsên gelek jêhatî û berhemdar yên wek Bavê Nazê û kesine din hene. Lê, ji ber ku min bingeha hilbijartina romannivîsan kir bineciha wan ya cografî, lewma nivîskarên ku di eslê xwe de ji perçeyên din yên Kurdistanê ne neketine nav berperên vê antolojiyê. 116 romanên peldar li ser hev di vê heyama ji sala 1988an heta 2020an de derketine. Ev ji alîyê 61 nivîskaran ve hatine nivîsandin, 50 ji wan nivîskaran mêr in û yazdeh jin in. 102 ji wan romanan ji alîyê wan 50 nivîskarên mêr ve hatine nivîsandin û 14 jî wan nivîskarên jin nivîsandine.